張可森獄中口信:希望大家聽多啲廣東歌 因為「有廣東話就有香港」

47 名民主派初選參選人被控違反《國安法》串謀顛覆政權罪,其中36 人包括張可森分別還柙喺赤柱監獄及荔枝角收押所候審。昨日屯門區議員潘智鍵王德源到赤柱監獄探望張可森議員,帶嚟咗佢嘅口信,呼籲大家聽多啲廣東歌。

啊Sam同佢哋講,想大家聽多啲廣東歌,因為「有廣東話就有香港」;平時係單人囚室入面哼廣東歌,就會覺得自己同香港係有連結。

兩位議員表示張可森議員都係好精神。雖然仲係單獨囚禁緊,但睇緊好多書。佢因為支筆爆墨,所以寫唔到太多信。但係都仍然好多謝大家寫俾佢嘅信。

如果大家有信想寫俾佢,可以交俾屯門社區網絡嘅議員,佢哋會代為處理。

今日,我哋潘智鍵 Gary Poon同Tak-yuen Wong…

屯門社區網絡 Tuen Mun Community Network 發佈於 2021年4月5日 星期一