驚現中文簡體字被轟歪曲史實 古裝韓劇出聲明道歉

古裝韓劇《月升之江》上月30日播出嘅第14集中再惹爭議,劇中出現中文簡體字信件,當中有簡體字是於1955年後先喺大陸使用,難怪播出後立即引發爭議。《月》劇背景發生喺高句麗時期,高句麗國建立於西元前37年嘅西漢時期。事隔一個禮拜,劇組出聲明道歉︰「確認漢字考證有失誤,之後嘅重播和VOD(付費影片)會上載重新編輯嘅版本。」

早前因男主角金志洙承認校園欺凌,被飛出劇集,其角色由《哲仁王后》男星羅仁宇頂上,羅仁宇上月初已喺第七集登場,幸好觀眾反應不錯,之後電視台宣佈將志洙主演嘅第一至六集都重拍,改回羅仁宇演出,俾觀眾喺網上平台重溫劇集時可以看到羅仁宇「連戲」。

0 0 votes
Article Rating