國安公署署長用粵語發言 認同香港人講廣東話 「係有濃濃嘅中國情結」

駐港國安公署署長鄭雁雄喺昨日所謂「全民國家安全教育日」講話。佢指香港人本身「講廣東話、寫中國字」,「係有濃濃嘅中國情結」,希望大家將「維護國家安全」「養成習慣」。

鄭雁雄指出,香港人講廣東話、寫中國字、吃中國菜同過中國節,有濃濃嘅中國情結。「即使香港人有食西餐、講英文,同外國人打交道、做生意,都係以中國人身份去做,離唔開國家背景同文化傳統。」佢話家同國不可分,人人都有家和國嘅情懷,呼籲將維護國家安全養成習慣、自覺和自信。

鄭雁雄本身都係廣東汕頭人,喺廣州中醫學院畢業。港語學主席陳樂行指言論清晰支持香港人講廣東話,一反之前部分建制派同律政司擁護普通話政策、踐踏廣東話嘅主張,「希望建制派同特區政府唔好再亂咁揣摩錯上意,為咗擦鞋打壓廣東話。」

3.3 3 votes
Article Rating