【出招對抗廣東話BNO熱線?】國家移民管理局增設廣東話熱線 「便利港澳台及海外人士移民中國」

上月初英國內政部設立廣東話嘅BNO移民熱線,以香港朝九晚五時間運作,貼心嘅措施獲香港市民讚好。原來中國移民管理局今個月初都不甘示弱,成立咗「12367熱線」,增設廣東話服務,方便港澳台及海外人士移民中國。

如果喺中國「境內」用電話打「12367」,系統就會得中、英,俾來電者查詢「口岸通關和邊境通行」、「出入境證件」同「意見建議」。如果喺境外打「12367」,就會由移民事務服務中心接聽,提供中文普通話、粵語以及英語3個語言選項。根據中國官方定義,「境外」包括港澳台及其他國家。

移民管理局話,因為本身各地電話唔統一、唔易記,同埋會出現「佔線」打唔通嘅情況,而家運用互聯網雲部署同人工智能技術,統一做「12367」電話,提供中英雙語、「7×24」小時全天候人工服務。

國家移民管理局係中國政府嘅新部門,2018年先成立,負責外國人在華停留居留同永久居留管理。

上一篇:

英國設立廣東話熱線 當地凌晨開工回應簽證移民疑問

0 0 vote
Article Rating