本地樂隊Supper Moment自從上年網上音樂會劣評如潮，一直甚少現於日前，頗為低調。前日有網民發現佢哋將出現於無綫電視節目《開心大綜藝》玩遊戲，並且同胡楓合唱《舊歡如夢》、《我的親愛》同《紅日》。Fans慨嘆話：「過埋今晚supper fans流失率應該超過9成。」

《開心大綜藝》本來喺年輕人嚟講唔受歡迎，後生仔多數都睇友台ViuTV嘅《Chill Club》、《口罩小姐決賽》等。TVB似乎都未想拱手相讓年輕市場，邀請咗前幾年都好受歡迎嘅Supper Moment上陣表現，喺節目現場氣氛一片和諧。

但好可惜做法似乎適得其反，Fans都喺youtube留言慨嘆昔日偶像嘅墮落。「挑戰一種supper fans嘅品味同底線」、「過埋今晚supper fans流失率應該超過9成」、「過埋今晚supper fans流失率應該超過9成」。

之前Supper Moment舉行網上新歌發布會，將新專輯從未曝光的13首歌曲，率先在網上獻唱，其中三首係普通話新歌。但新舊歌迷就唔係好受落，紛紛表達對音樂同作風嘅失望，甚至有人撰文斥之為「搖滾叛徒」。