來上一課西班牙地理(五):捐山窿學歷史同地質科學

來上一課西班牙地理(五):捐山窿學歷史同地質科學

上次講到翻越西班牙西北部嘅山脈,就會見到風光明媚、綠草如茵嘅Asturias —— 天主教西班牙嘅發源地,以及標誌收復失地運動開始嘅科瓦東加戰役 (Batalla de Covadonga) 所在。

可能是城堡、戶外和紀念碑的圖像

Covadonga現時屬於歐羅巴山(los Picos de Europa,直譯爲「歐洲之巔」)國家公園一部分,最顯眼嘅係爲紀念戰役而修建嘅教堂(圖一),出面有打贏場仗嘅Pelayo嘅雕像(圖二)。

可能是站立、戶外和紀念碑的圖像

而起喺山窿裏面嘅聖所、小教堂同相連嘅甬道(圖三、圖四),除咗供奉聖母之外,亦都係Don Pelayo(Don:尊稱「先生」)同家人嘅陵寢所在。

可能是大自然的圖像可能是一或多人和室內的圖像

距離Covadonga 15分鐘車程左右,係Asturias王國最初嘅首都Cangas de Onís,城內嘅小教堂Santa Cruz始建於公元737年,相信係伊比利亞半島受穆斯林佔領以來嘅第一座基督教建築,不過經歷兩次完全重建,原裝嘅建築只有奠基石得以保存。教堂地基下面係公元前三世紀左右建造嘅石棚墓,1936年西班牙內戰後,當地政府喺重建時決定令佢重見天日,成爲另一考古景點。

鍾意地理同地質學嘅朋友可以反其道而行,深入國家公園行下山。呢度主要由石灰岩構造,係典型嘅喀斯特地形。雨水向下溶蝕岩石,造成山體表面千溝萬壑,而地貌下面就真正「別有洞天」—— 長期喀斯特作用構成溶洞(圖五),所以歐洲之巔呢度其實仲埋藏咗幾個歐洲最深、甚至世界最深嘅山窿。

可能是顯示的文字是「 Lapiaz o lenar Modelado kárstico: roca caliza disuelta por el agua Cañón Poljés Sumidero Dolina Sima Estalactitas Estalagmitas Surgencia Caverna Galería 」的圖像

 

兩個湖Lago Enol(圖六)同Lago la Ercina係當地山區少有嘅大片表面水體,可惜我去嘅時候大霧到莫講話湖,連路都睇唔到,雙程山路上直頭有警衛指揮交通以免撞車,於是無奈小心翼翼盲摸摸踏石而歸。

可能是大自然和湖泊的圖像

呢個故事教訓我哋呢個地方要晴天先至好去。

文中外語爲西班牙文
如果鍾意呢篇文,請你CLS支持  同系列文章請見留言區。
此系列逢星期三、星期日更新,敬請大大力追post :0)

0 0 votes
Article Rating