面對財政壓力，舊金山城市大學判減下學年3300預算，同埋向百幾名教職員發出裁員通知，學生憂慮會令到廣東話課程遭到取消。學生成立小組「Save Cantonese at CCSF」，喺5月初聯同黑人發起遊行，要求大學保留種族有關課程，以保障弱勢族裔嘅權益。小組今日宣布，得知新學年成功保留廣東話課程，而且可以俾舊金山（又稱三藩市）嘅居民免費報讀。

「Save Cantonese at CCSF」就多謝所有參與聯署、遊行同電話請願嘅人，「冇你哋每一個人嘅支持，我哋冇可能做得到。」城市大學CCSF喺2021年秋季學期成功開設兩班，會用遙距課程教基本同中級嘅廣東話。佢哋呼籲舊金山居民同學生報讀，向校方證明廣東話課程確有需求。因為係遙距課程，唔係舊金山嘅市民都可以報。

有調查顯示，舊金山13.5%嘅人口都係講廣東話。學生代表Julia之前話：「當聽到廣東話課程要取消資助， 我個心沉晒落底。 舊金山咁多人講廣東話，要消除亞裔仇恨，設立廣東話課程有其必要。」

報讀連結：https://www.ccsf.edu/admissions-recordsregistration/register-classes

#舊金山 #三藩市 #廣東話 #savecantonese #廣東話課程 #港語學