清除!深水埗區議會通過拆除大型雕塑「數碼之源」 七月動工拆卸

今日深水埗區議會地區設施委員會通過咗之前當區劉家衡議員同埋李文浩議員嘅提議,決定拆除數碼之源。民政署估計用一個月招標後就可以動工,預計拆除費用為13萬元。

李文浩議員表示,「今次區議會展現咗極高速嘅行政效率,由第一個動議,直至執行拆卸,只需幾個月時間。佢形容該雕塑為「巨型垃圾」。「有紙巾、有垃圾 、仲見過針筒添,我寧願起返兩排凳喺嗰度畀啲馬迷坐,都冇咁嬲。」

劉家衡議員就估計,大概10月可以清除數碼之源。佢表示,「數碼之源」附近一直擺滿「易拉架」,而其凹陷嘅設計,更使裝置變成「垃圾槽」,甚至曾在垃圾堆中見過針筒,環境甚為惡劣,希望清拆後可以改善阻街問題。佢又指,深水埗欠缺公共空間,拆走後可以重新考慮現場空地嘅用途。

民政署話,工程會逐個部件拆除,以降低工程帶嚟嘅聲浪。深水埗大型作品「香港數碼之源」係由香港民政事務總署同深水埗區議會喺2004年共同設計,04年聖誕電腦節起擺喺深水埗地鐵站 D2 出口附近空地,原意係推廣深水埗作為電子市場嘅特色,
0 0 votes
Article Rating