區議員丁仕元藉「520」辭職表達對政治制度不滿 「廣東話諧音係唔要你」

區議員宣誓法例通過之後,唔少區議員選擇辭職。沙田區議員丁仕元就揀咗喺5月20號宣布將會辭職,喺6月1號生效。佢指當日「520」似廣東話「唔要你」,「代表我對香港現行政治制度的不滿」。

佢話小學四年班已經開始參與「愛國民主運動」聲援遊行,至今32個年頭,前年亦經歷過一場公平、公開、公正嘅選舉。但佢直言「香港已非我所熟悉嘅地方」,喺政治制度改變下,出任區議員已經唔可以暢所欲言咁為香港市民服務及發聲。而且,佢作為負責任嘅兒子、丈夫、父親,唔想家人終日活喺惶恐之中,所以無奈辭去區議員職位,今後以一名普通市民嘅身份,尋找自己嘅新生活。

佢又話,選擇喺五月二十號宣布辭職,除咗係希望完成本年度上半年嘅會期,仲因為520呢個數字有特別含意:喺華人文化中有「我愛你」嘅意思,想借此表達自己對香港同支持選民嘅愛;亦都似像廣東話「唔要你」,代表我對香港現行政治制度嘅不滿。

可能是 2 個人、小孩、大家站著和戶外的圖像

丁仕元喺文中附上十歲時參加大遊行嘅情況

 


致:各位錦英苑、雅景臺及新港城的選民!
我由小學四年級開始已參與「愛國民主運動」聲援北京學運的大遊行,由民間參與再到加入從事政治工作,已有三十二個年頭。
二零一九年,我們經歷了一場公平、公開、公正的選舉,這是民意的彰顯,民主的體現。
但現時,香港已非我所熟悉的地方。在政治制度的改變下,出任區議員已經不能暢所欲言地為香港市民服務及發聲。
選擇在五月二十日宣布辭職,其一是希望完成本年度上半年的會期;其二,五二零在華人文化中亦有「我愛你」的意思,想借此表達自己對香港的熱愛及各位支持我的選民的愛戴;其三,其音亦像廣東話「唔要你」,亦代表我對香港現行政治制度的不滿。
我作為負責任的兒子、丈夫、父親,實在無法再以從政施展自己的抱負,原因是我不想家人終日活在惶恐之中,所以我無奈下辭去區議員的職位,今後以一名普通市民的身份,尋找自己的新生活。
最後,我作為一名軍事愛好者,用上美軍名將麥克阿瑟的一句說話來作結:老兵不死。
辭職日於6月1日生效,辦事處及本專頁也會於同日關閉。再次多謝各位。
香港人,加油💪🏼
0 0 vote
Article Rating