大陸「官二代」涉冒公安被捕 稱還押79日練成廣東話自辯 「聽唔明就俾獄警打!」

喺香港大學修讀精算系嘅大陸官二代杜立衡(20歲)被指假扮公安行騙,約見事主嗰陣俾埋伏嘅警員拘捕,當時仲反抗並襲擊三名警員。本來官二代被告欺騙取得財產罪,最終因證據不足撤控,但就俾律政司繼續告三項襲警罪,今日(6月4號)喺觀塘裁判法院繼續審。被告自辯嗰陣話,因為還柙就兩個月後廣東話大為進步,因為「獄警」淨係會講廣東話,「聽唔明就會俾人打」,所以有啲提問唔使靠翻譯都聽得懂。

辯方大狀今日覆問,問被告點解主控提到「委任證」時,佢為何未等傳譯員繙譯就急於回應。被告話:「因為好急,聽到委任證就覺得唔係好嘢好事」佢又話自己來港前本來唔識廣東話,還柙79日後廣東話大為進步,因為「獄警」都講廣東話,「聽不明嘅話就要俾人打」。控罪指佢喺去年8月31日喺觀塘彩盈邨盈康樓假冒中國公安,不誠實咁攞咗鄧姓男人46.52萬元人民幣(約52萬港紙),9月3號就拒捕襲擊三名警員。控方今年2月已將欺騙罪名撤銷。案件押後到6月17日結案陳詞。

案件詳情請參考《蘋果日報》報道:https://hk.appledaily.com/local/20210604/AQLE35O5ONEHFBZ2EBEYN5ATRE/