而家廣東廣州爆發緊疫情，但公開試都要考，大陸高考就安排咗多項特別措施令所有考生都考到，包括安排專車接送封區內嘅考生，同埋確診染上武漢肺炎嘅考生喺隔離病房內應試。

廣州市交通運輸部門安排咗八百多輛的士、10輛大巴，分級分類咁接送疫情中、高風險區域及封控區域的考生，其中的士一人一車，司機都要穿著全套防護服。

廣州還有2名確診考生在身體狀況許可下，於醫院隔離病房一人一房應試，老師透過閉路電視監考，考完後，試卷、答題卡、草稿紙等都消毒2次。

之前考評局都有為檢疫考生作出特別安排。若考生願意喺檢疫中心應考，會獲安排入住竹篙灣檢疫中心，喺中心內經消毒的獨立房間內應考，過程將被攝錄，以監察及處理考試異常事件。已知有2個同學喺檢疫中心應考過。