蘋果宣布新iOS將為香港增設廣東話等三種辭典 並支援全廣東話聲控

iOS推出在即,蘋果都宣布咗有好多更新,令到「果迷」都有所期待。香港人嘅就梗係會唔會出官方嘅廣東話鍵盤輸入法,但好遺憾冇出現到,今次蘋果只係喺普通話拼音輸入嘅詞彙加入廣東話同上海話。不過,好消息係蘋果專為香港新增三種辭典(New dictionaries for Hong Kong),包括正體中文—英文成語辭典、新正體中文辭典、以及廣東話俗語辭典!

apple寫到明三本辭典都係為香港而設

另外,蘋果前年已經推出語音控制(Voice Control)功能,即係靠把聲就可以完全控制蘋果嘅裝置,但一直都只能夠用英文。今次蘋果就增加咗四種語言,廣東話(香港)名列,其他分別係普通話、法文同德文。蘋果仲話,因為用咗Siri嘅語音識別技術,你讀出嘅命令會「準到驚人」。呢個語音控制技術對殘疾人士嚟講相當有用。

不過,蘋果喺普通話拼音輸入法增加粵語詞彙,呢個做法就唔多受歡迎。事關寫得廣東話嘅,都希望會用到粵語拼音打字,「用普通話輸入法打廣東話會唔會太九唔搭八?」目前都只係得第三方嘅廣東話輸入法鍵盤,包括:

 

#ios #廣東話輸入法 #蘋果電話 #蘋果手機 #廣東話字典 #廣東話辭典 #廣東話詞典 #語音控制 #語音識別 #粵語拼音 #普通話拼音 #廣東話鍵盤 #廣東話 #港語學

3.5 2 votes
Article Rating