恒隆集團主席陳啟宗:香港所有學校教學應以普通話為主 「下一代做夢要用普通話做中國夢」

恒隆地產(101) 及恒隆集團(010) 主席陳啟宗今日(9號)喺一個中港研討會上用普通話公開發言話,希望香港所有學校教學都以普通話為主,又話要「香港下一代年輕人,做夢的時候,當然要做中國夢,都是以普通話來做夢」。

身兼香港明天更好基金執行委員會主席嘅陳啟宗又話,《香港國安法》為香港帶來機遇,呼籲港人要把握機會;又表示港人以往學開英文,但為咗香港以後嘅經濟前途,「今日起要學好普通話」。

恒隆集團業務包括酒店、停車場管理、物業管理,同埋乾洗服務。陳啟宗生於香港,祖籍廣東順德,持有美國籍。恒隆旗下商場包括 Fashion Walk、雅蘭中心、荷李活商業中心、家樂坊、淘大商場、康怡廣場及山頂廣場。

0 0 vote
Article Rating