沙田崇真學校五年前重開廣東話班 今日冇人揀普教中

沙田崇真學校2008年參加語常會以「普通話教中文計劃」,並且由教育大學追蹤研究,當時學者已經發現「普教中」有問題:「廣東話班討論熱烈,但普教中班則很靜。且教學內容表面,本身成績理想的學生感到缺乏挑戰,反而造成學習障礙;教學用普通話,但考 TSA 時說話訓練又用廣東話,兩者不配合,影響成效」。

所以五年前起,喺好多家長嘅要求下,沙田崇真學校重開廣東話班,俾家長自由選擇,成果有目共睹。到咗今時今日,絕大多數嘅家長都選擇廣東話班。呢個月學校仲出通告講,而家嘅一年班學生將會全部用返廣東話教學,唔洗再用「普教中」!

而且,五、六年前嘅一年班學生都係全級用返粵語教中文。因為用返母語,五年班可以做古典文學戲劇課程,六年班就做融辯入教,皆大歡喜!

有啲嘢嘅成果唔係一朝一夕會見到,正如本會八年前做研究嘅時候,搞「普教中」嘅小學曾經一度高達七成幾。但我哋睇到香港人認識咗「普教中」嘅問題之後,團結堅持廣東話教學,卒之好多學校都變返廣東話教學。香港人,堅持,加油!

#沙田崇真學校 #普教中 #普通話 #廣東話 #廣東話教學 #香港人加油 #港語學