竹林七賢嘅由來

原載於:herbalist.hk 今日端午,好多人都會食竹葉包嘅糭。竹係有節氣嘅知識分子嘅象徵,用竹葉都隱有紀念屈原嘅意味。但係今日太多人講屈原喇,我想講下佢浪漫同風骨嘅繼承人,魏晉時期嘅竹林七賢。

 

眾所周知,魏晉仔係好黑暗醜惡嘅。晉朝大家都好陌生,但講起三國大家都知,民不聊生、朝廷腐敗。因為魏晉仔唔係靠德政民心上位,而係一班靠兵權謀朝篡位嘅武裝恐怖分子,讀書人都唔係咁受尊重,亦都往往係黨爭嘅時候俾人分黨分派,批鬥至死。由魏晉仔掌權嘅時代,史學家都搵唔到有咩建樹畀後人,無任何文化遺產留到畀後人嘅時代。但人類文明亦都唔係由當權者寫成,而係一班知識分子喺唔同嘅崗位上不斷嘅發明,推進科技同文化嘅發展。

 

知識分子見朝延咁亂,就匿返喺自己嘅屋企入邊,用佢哋嘅智慧去工作,例如後來嘅陶淵明,同埋今日提到嘅七個人:山濤、阮籍、劉伶、嵇康、向秀、阮咸、王戎。佢哋成日都係竹林到飲酒縱歌,所以被稱為竹林七賢。佢哋唔係躺平乜都唔做,而係發明咗好多音樂理論,好似嵇康嘅《聲無哀樂論》、阮咸發明阮琴咁。魏晉南北朝整整三百年,雖然喺政治上面因為鬥爭冇進步,但知識分子並唔係好似教科書形容咁,啲人淨係食住「五石散」,「躺平」坦腹咁喺竹林河邊Chill住過日子。喺醫學上,佢哋喺戰亂瘟疫中整理咗好多醫學經驗,著成影響後世嘅大作,好似王叔和整理《傷寒論》同埋寫成脈經;亦都發現咗好多新藥物,有系統咁整理成本草書,例如 《名醫別錄》、《本草經集注》、《吳普本草》等;仲有煉丹術對於好多礦物同化學嘅紀錄,都係喺晉朝興起。

 

所以即使社會政治嘅步伐停咗,其實啲知識分子都冇停過落來,啲資金同埋技術都喺呢啲不滿朝廷嘅名士、隱士同藥師嘅經濟圈入邊互相交流,用各自嘅知識同智慧為身邊嘅人帶來幸福。北宋宰相范仲淹,後生嗰陣都話:「不為良相,願為良醫。」唔俾我做官,我咪去做醫生囉。喺魏晉仔當道嘅時代,避開朝廷嘅勢力,隱於市井(從醫從商)、隱於山林海外(移民),其實都係合理嘅選擇。

 

雖然呢一刻好似好無能為力,冇咩做得到,你唔會知你喺呢一刻拋出嘅石頭會喺谷底有幾大嘅迴響。唱下有意思嘅歌,share下文章,支持下有創意同幫到人嘅諗法,好似高行健話齋:「這也可說是一種理智,導致甚麼且不去說,至少不盲目迷信,無論是信仰還是權力,也不必跟隨某一權威,某一潮流,某一時尚,鼻子由人牽著跑,或受某種意識形態精神上的禁錮,畫地為牢,有點個人的獨立,當然這點獨立也還有限度……個人能對權力、對習俗、對現實、對他人和他人的思想、對物說不,大抵是做人的最後一點意義。」

 

寫咗咁多,學 渾水財經Channel 話齋,唔賣下廣告就嘥喇。想分享喺我最近嘅作品。我一向都有研讀竹林七賢嘅遺作,最近就喺佢哋嘅作品中搵到幾種草藥,結合中醫理論同埋科學研究製成漢方,整咗隻曲奇餅。呢隻曲奇餅唔係五石散,唔會食到人high嘅,但就可以平靜情緒,消滅憤怒,幫助睡眠。呢啲係天然嘅草藥,亦都搵咗醫師同埋唔同人群試過都有效,有需要嘅朋友可以試試,希望可以幫到大家。

 

仙鶴飄飄曲奇

香港製造·結合竹林七賢古法·本土醫師科研創製

*放鬆心情*掃走煩惱**提升專注*幫助睡眠*

成份:牛油,糖,麵粉,雞蛋,丁香,小茴香,側柏葉,夜合花,肉豆蔻,火麻仁,月季花

旺角 椰子士多 有售

地址:旺角信和中心M層M37號鋪

營業時間:星期一至日2:00PM-10:00PM

0 0 votes
Article Rating