政府昨日（18號）將《2021年香港公開大學（修訂）條例草案》刊憲，草案將將公開大學中、英文名稱分別修訂為「香港都會大學」及「Hong Kong Metropolitan University」。呢份《條例草案》將會喺下周三（23號）提交立法會，通過後新校名會喺9月1號新學年生效。

香港公開大學（不再公開）上年底就改大學名一事咨詢學生及公眾意見，話想消除外界以為公大只提供遙距教育嘅誤解，亦又認為簡稱「開大」有不雅嘅詮釋。最終喺「大學重新命名評選委員會」決定香港公開大學的中、英文名稱分別更改為「香港都會大學」及「Hong Kong Metropolitan University」。

公開大學校長黃玉山教授認為，新名稱能夠反映公大具備現代化及前瞻性的教學和研究，並能回應香港以及鄰近地區嘅發展需求，同時包含大都會多元化嘅概念，切合大學的現況及發展策略目標。