【蘋果日報】【副局登場】港語學負責人疑一度被蔡若蓮封鎖fb 斥「唔係虛心係心虛」

【更新內容】

屬反對蔡若蓮擔任教育局副局長團體之一的港語學,今早在facebook撰文指蔡若蓮封鎖港語學負集人陳樂行的戶口,批評今早信誓旦旦聲稱會虛心聆聽不同意見的蔡,「上任頭等大事竟然係趁返工時間玩facebook」,沒有誠信可言,「而林鄭月娥以為整個教育界,論才論德,無人能及蔡氏--筆者並非執教鞭之士,尚且視為奇恥大辱;嗟乎各位老師,似乎並無同感,唾面自乾」。文末又指未來五年教育政策「勢必以鬥爭為綱」,感嘆「香港人畀時間、空間同機會佢搞亂香港,邊個還返時間、空間、機會香港人?」

陳樂行回覆《蘋果》查詢,指平日一直有到蔡若蓮的fb查看,「一直有睇,無follow亦都唔係facebook朋友,亦無留過言,只係入去睇,但今朝就發現已經入唔到去」。他認為,被封鎖原因或源於他一直針對蔡若蓮任職教育局時力推普教中的語論,「我一直問佢(蔡若蓮)兩個問題,當年佢係咪講過『廣東話唔係法定語言』,同埋點解喺佢離開咗教育局之後,佢啲同事會鏟曬所有同佢有關嘅普教中資料,不過佢一直都無答」,稱蔡或擔憂他會到其帳戶留言質詢,為免難堪而先行封鎖他的帳戶。

陳認為蔡做法幼稚、不成熟,等同「解決提出問題的人」,「要專登搵出我個私人帳戶,再封鎖我,有啲小學雞,唔夠人講就封鎖人」,又稱蔡若蓮自言要虛心聆聽各方意見,「但佢依家唔係虛心,係心虛……係連反對者、學生嘅意見都要逃避」。

局方回覆時未有回應有否封鎖陳樂行fb,只稱教育局副局長今日首日履新,現正考慮設立一個facebook帳戶或專頁,透過社交媒體加強與各界的聯繫和溝通;至於其原有的個人facebook帳戶,主要是與親友作生活交流之用,不會用於現時工作相關職務。

港語行召集人陳樂行指,蔡若蓮約於傍晚時份,解封佢個人facebook帳戶,他估計蔡或發現行為有失副局長體統;陳直言,會繼續監察蔡若蓮,「密切監察佢出於愛香港人、愛廣東話,並非因為恨佢」,又指蔡離開教育局才是對全港、以至其本人最有益的行動。

【林鄭班子】 http://bit.ly/2sU3ESy

0 0 vote
Article Rating