【蘋果日報】隔牆有耳:基督徒何君堯 唔識十誡識黃四川 「我唔係咁虔誠」 – 李八方

新一屆立法會議員,新西嘅熱普城鄭松泰以及被封新一代「西環契仔」嘅何君堯,預料都係火爆型;兩人未喺議會擦出火花,率先喺星期一應浸大學生會邀請,出席喺浸大舉辦嘅候任議員對談論壇,其間兩人當然針鋒相對,但卻不及身為基督徒嘅何君堯,唔識「十誡」中第9條為何咁惹關注,而何君堯當時嘅回應係,「我都唔係咁虔誠嘅基督徒」。
「浸大山神」facebook專頁上載咗論壇問答環節片段,片中嘅學生質問何君堯作為基督徒,卻指與涉及追擊自由黨周永勤嘅聲帶主角、競選義工黃四川唔相熟,係咪違反十誡?何君堯回應時一度「口窒窒」,「黃四川……我亦都……佢支持我好多謝」。

浸大生:落地獄啦好冇?

同學見狀再追問十誡中第9條為何?何君堯僅稱「十誡嘅嘢我諗我好難答晒你」,又突然自爆「我都唔係咁虔誠嘅基督徒」。同學見何答唔出,就同佢講「第9條係不可作假見證陷害人」,又叫佢:「你落地獄啦好冇啊?」點解唔識十誡要落地獄?八方唔知啊,只知台下為此拍掌歡呼。
講真吖,何君堯多次表明自己係基督徒,例如競選立會時曾經喺fb發帖稱作為基督徒要堅守傳統家庭觀念,反對同性婚姻等,但當時被網民追問何為「傳統家庭觀念」時曾回應:「一夫多妻至一夫一妻,是男和女的結合關係」,引嚟爭議。

識睇睇留言

KA Kit Sze:難怪呢個世界有咁多「基督徒」了,原來,公然作假見證又唔虔誠嘅生物都可當做係「基督徒」
梁匪英:唔識法律嘅律師、冇牌嘅社工、唔識聖經嘅教徒、唔保衞香港嘅議員…
Jesse Lee:咪再用宗教抬高自己。你侮辱基督徒信仰和智慧。死開啦,西環曱甴
Wins Wong:何君妖相信的「神」的名稱是「中亂辦」
Willis Luk:何君妖只有一戒,就係欽崇一共毒在萬有之上
Christina Chan:基督唾棄的叛徒。落地獄。
David Ho:佢嘅心中口中上帝是中聯辦!

資料來源:《蘋果》網頁

李八方
0 0 votes
Article Rating