【壹週刊】語常委03年結論 普教中無助改善中文

前財政司長梁錦松日前公開表示認為「普教中」可以改善中文寫作能力,旋即引起社會爭議,絕大部分都係反對佢嘅觀點;就連「語文教育及研究常務委員會」(語常會)前主席田北辰都承認:「語常會喺03年做過深入討論,普教中同提升中文能力無明顯關係。呢個結論至今無改變。」

早在1996由教統局成立嘅語常會,主要職能為就一般語文教育事宜及語文基金的運用,向政府提供建議。其中包括協助中、小學「普教中」。

而關注香港本土語言文化嘅「港語學」,亦於其Facebook專頁質疑:「連語常會都肯定『普教中』無用嘅情況下,點解仲要撥款四億資助,鼓勵學校推行普教中?」同時認為越討論,越見「普教中」劣處。

0 0 votes
Article Rating