尖東Pop Up粗口博物館 爆多IG FILTER互動打卡位 文物藝術展品任睇 ︳香港好去處

喺媽媽要陪女兒追Mirror、大學教授要研究Error節目嘅年代,香港人唔分年齡層要緊貼社會新潮流。

一班本地年輕創作人同知名KOL將喺下周舉辦名為「粗口博物館 X 無稽」嘅藝術展覽暨週末市集,以本地次文化同粵語粗口文化為主題。

策展人Joshart今年只有17歲,同藝術家Fanga O合力創作三個展區,分別是充滿色彩嘅「性小眾」、以黑白灰色為主嘅「無厘頭」以及一個佈置滿網絡用語嘅「MK地帶」,用鏡面、梯紙、塑膠彩、鐵線等裝置藝術探討香港嘅次文化。

在IG上分別擁有接近17萬及10萬粉絲嘅港字典兼Filter 創作者Ted (@Tedzted)亦以藝術呈現網絡潮流,例如以字典牆解構「凱婷」、「尷味」等新興潮語,觀眾更可透過掃描QR Code玩Ted以時事新聞熱門話題而創作嘅IG Filter,讓大家同作品互動起來,產生貼地嘅共鳴。

展覽協辦團體為本地推廣粵語文化嘅 「港語學」,將多用途辦公室變成「粗口博物館」,展出一系列龜板、竹簡「粗口文物」等,帶領大家探索廣東話粗口由甲骨文時代到數碼年代嘅演變歷史。同時,展覽邀請咗街頭下流詩人松島安將街頭潮語如「日防夜防,家嫂難防」移植畫廊,跳出故有嘅規限,給觀眾帶來視覺上嘅衝擊。

多圖】「下流詩人」松島安街頭塗鴉作品集- ezone.hk - 網絡生活- 網絡熱話- D180706

展覽亦邀請咗幾位本地畫師各有風格地展現他們對自身環境的看法,以「垃圾投票站」為主題,讓大家投選出最想X嘅人。


展覽資料:

粗口博物館 X 無稽 (藝術展覽暨週末市集)
展覽日期:2021年7月14日至7月22日
地點: 尖沙嘴漆咸圍10-12號3樓Urban House
時間: 中午12時至傍晚6時(平日)
中午12時至晚上8時(週末)
市集日期:2021年7月17日至7月18日
收費: $20(平日)
週末免費入場
主辦方:Joshart
協辦方:港語學
場地贊助:Urban House Gallery
市集主辦:不文市集