周潤發獲浸大頒發榮譽博士 廿年前已攞咗城大榮譽博士

浸會大學噚日(3號)公告,將會喺今個星期六(7號)向影星周潤發頒授榮譽人文博士,表揚佢嘅專業成就同埋對全球電影嘅重要貢獻。呢個係發哥繼1999年獲香港演藝學院頒授榮譽院士,2001年獲香港城市大學頒授榮譽文學博士後,再一次俾本地大學頒授榮譽名銜。

典禮會喺今個星期六舉行,浸會大學將頒授榮譽人文博士學位畀周潤發先生,發哥更將聯同著名導演莊文強先生,同傳理學院師生及校友有個分享會,傾下演藝生涯嘅點點滴滴。

2001年,香港城市大學向周潤發頒授榮譽文學博士學位,以表彰佢對香港演藝文化嘅貢獻。

《賭神》劇照

《英雄本色》劇照