學新語言睇片打字都得?研究發現用紙筆手寫學得最快

隨住資訊科技嘅進步,睇片、打字都成為咗語言課程嘅遙距教學方法,好多時候都唔會再用紙筆。不過,美國一項研究就發現,同打字、睇片呢兩種方法相比,用紙筆手寫明顯係學習語言更快更好嘅方法。

約翰霍普金斯大學(The Johns Hopkins University)就用一個測試做研究。佢哋搵咗 42 個成年嘅志願者由零開始學習阿拉伯字母,並且將佢哋分成三組:有啲人要用打字來學,有啲人會一路睇片一路學,有啲人就用返傳統學校嘅手寫方法。佢哋發現,手寫組學生唔單止比其他人快啲學到唔熟悉嘅字母,手寫組喺學用字母組成詞語,同埋將呢啲知識用喺其他地方嘅時候都更快手。其實三種方法用嚟學阿拉伯字母都好有效,啲志願者練習六次練習之後都會用得好準確,但平均嚟講,寫作組只要練習兩次練習就會合格,明顯快好多。雖然話42個人做呢個測試唔係好多,但三者學起嚟個差別都好明顯。

約翰霍普金斯大學嘅認知科學家 Brenda Rapp 就解釋話:「爸爸媽媽同教育工作者面臨嘅問題係,點解而家啲小朋友仲要嘥時間學寫字呢?當然,練多啲,小朋友手字都會寫得靚啲,但係『而家啲人都唔寫字,邊個理呢?』所以真正嘅問題係:搵手寫仲有冇其他同閱讀、拼寫同理解有關嘅好處呢?我哋發現絕對係有。」

來自卡羅萊納大學嘅另一位研究員Robert Wiley就話:「個重點係,雖然最後大家都會認到啲字母,但手寫喺所有方面嘅表現都係最好,因為用嘅時間更加少。通過書寫,你會喺你腦海入邊有更加鮮明嘅形象,等你即使唔係用手去做其他嘢(例如口語)個表現都會更加好。」

之前都有研究發現寫字比打字更利於記憶,原因係手寫時嗰時身體需要精細嘅肌肉活動,人體會得到更深層次嘅感官體驗,可能會有助對所寫內容嘅記憶喺大腦停留更長時間。相反,打字會用到嘅大腦區域較少,所以我哋會好快唔記得打咗咩字。

研究強調筆同紙對學習仍發揮重要作用。實驗對象雖是成年人,但研究人員認為應該都適用喺小朋友。 研究人員就話,而家啲學生寫用手寫嘅時間比過去少好多,但呢項研究告訴我們,將支筆收起來就唔係咁明智。研究發表喺《心理科學》(Psychological Science)。

0 0 votes
Article Rating