【窩Street x 港願樹 試業通知】

港語學籌備已久嘅書店+精品店+食店——「窩Street x 港願樹」喺今日(16/8)星期一開始試業,敬請大家多多支持!

「窩Street」係主打窩夫漢堡嘅美式小食店,門面以「華爾街x窩夫」為主題,回到1930年嘅紐約街頭,食住用秘方配製嘅脆皮窩夫,精神同味覺雙倍滿足。

喺「窩Street」隔籬嘅係本地精品模型書店「港願樹」。「港願樹」同本地出版社合作,專門搜羅好難喺連鎖書店搵到嘅圖書,尤其係廣東話寫嘅書!港語學最新最齊全嘅精品,包括「牙籤仔間尺」、「屌晒全世界T-shirt」、「凍撚茶雪模」,同埋最新「屌撚住」鎖匙扣,都會喺呢度搵到;我哋好榮幸有本地藝術家阿塗 同 Kit Da Sketch – Kit Man 嘅作品喺呢度發售。希望透過呢個空間,等大家都可以認識到多啲本地作家同手作人嘅創作。

「窩Street x 港願樹」即日起開始試業,試業期間任何消費都送小禮物一個。歡迎大家過嚟指導,無論對食物定貨品有咩意見,都歡迎同我哋店員傾下,或者inbox我哋講多啲,希望執得靚靚仔仔,一齊做大本地文化!

【窩Street x 港願樹】
地址:深水埗欽州街37號西九龍中心6樓蘋果商場6065-67號舖
營業時間:中午十二點至夜晚八點

#窩Street #港願樹 #窩夫漢堡 #美式小食 #玫瑰花茶 #牙籤仔間尺 #屌晒全世界 #凍撚茶 #阿塗 #kitman #小學雞 #勁揪體 #本地藝術家 #本地手作 #廣東話圖書館 #玩具模型 #廣東話 #本地書店 #樓上書店 #廣東話 #港語學