第一單投訴指港台喺2020年高雄補選新聞內提到「民眾可以在全國一千八百多個票站投票」，認為相關報道內容不準確，因為該補選只在高雄舉行，以及台灣並非國家。新聞提及「喺台灣高雄今日展開……補選投票……民眾可以喺全國一千八百幾個票站投票……」通訊局話，「台灣事實上不是一個國家，因此在該言論中使用『全國』一詞並不準確；港台沒有嚴格查證新聞內容是否準確，亦未盡一切合理努力確保新聞內嘅真實資料準確無誤。

但係，由於該則新聞曾重複提及該補選的詳情，因此有關錯誤應不會對聽眾就整篇報道的理解造成重大影響。通訊局決定向港台發出強烈勸諭，敦促佢嚴格遵守《電台節目守則》第20A段嘅相關條文。

第二單係投訴電台節目《旅遊樂園》喺今年四月三號播放嘅一首歌曲歌詞含有一個粗俗用語，唔應該喺一個適合不同年齡聽眾收聽的旅遊節目中播放。根據資料，呢首歌係莊正嘅《喝啖茶》，歌詞提到「番工做嘢好撚忙／做到喊／攰到散／我想一切可以放慢／點解世界咁多困難／點解世界咁多嘢煩」。通訊局考慮個嘅相關資料，認為歌曲中被用作助語詞嘅有關粗言，喺節目中可清楚聽到。該用語明顯惹人反感，喺任何時段也不應播放。通訊局決定向港台發出警告，敦促佢嚴格遵守《電台節目守則》中嘅相關條文。