李慧琼建議以普通話教授其他科 公務員考試考埋普通話 政府:未有計劃 現行安排行之有效

民建聯主席、立法會議員李慧琼喺日前嘅立法會會議上,書面質問政府點樣提升香港市民嘅普通話水平,建議在普通話老師資格提升到一級乙等,鼓勵學校以普通話教授其他學科,以及喺公務員招聘考試中增設普通話語文能力測試。教育局局長楊潤雄回應指,對建議持開放態度,而公務員事務局認為現行嘅安排行之有效,未有計劃喺公務員招聘過程中增設劃一嘅普通話水平測試。

李慧琼指,鑑於喺二○一五至二○一六學年,分別只有16.4%及2.5%嘅小學同中學全面以普通話教授中國語文科,政府會否鼓勵學校以普通話教授其他學科,同埋喺校園提供更多應用普通話嘅場合。楊潤雄就話,普通話科已經係香港小學至初中嘅必修科目,政府亦有過千萬資助同交流計劃俾學生接觸普通話,如果要其他學科採用普通話教學,須以學科嘅學習為前提,「不能為學習普通話而影響科目嘅學習效益。」

至於增設公務員嘅普通話考試,楊潤雄引述公務員事務局話:「現行嘅安排行之有效,未有計劃在公務員招聘過程中增設劃一嘅普通話水平測試」。但佢都話公務員培訓處會繼續為公務員提供適當嘅普通話培訓,滿足佢哋工作上應用普通話溝通嘅需要。

#公務員 #普教中 #普教英 #普教數 #普教常 #普通話 #內地交流 #李慧琼 #楊潤雄 #立法會 #教育局 #廣東話 #港語學