浸大通告新生必須通過國安教育課程及測驗 合格方可畢業

浸大今日(1號)向師生發出通告,公布由今個學年起會開展國安教育,主要影響嘅係新入學嘅新生。新生要參與兩個鐘頭嘅面授課程,完成兩個鐘頭嘅閱讀材料,以及通過有關測驗。呢個課程編號為 NSLE0001,由2021年入學嘅新生要合格先可以畢業。

根據浸大提供嘅課程簡介,學習目標包括參照中華人民共和國憲法和香港基本法入邊,一國兩制同香港特別行政區嘅憲制地位,國安法對香港嘅重要性,概述港區國安法主要條文,以及「介紹法治嘅基本原則」。

浸大已經將學習材料放上去hkbu moodle學習平台,完成 NSLE0001 後將獲得兩個CCL(學習經歷分數),課程只會紀錄學生合格定肥佬,唔會喺成績表寫你考到幾多分。2021年前入學嘅學生唔會受影響。

#國家安全法 #國家安全 #浸會大學 #hkbu #國安教育 #浸大 #大學生 #nsle0001 #香港教育 #港語學 #香港 #浸大山神