政府建議引入海外培訓嘅專科醫生，並修訂條例草案放寬至非香港永久居民。港大感染及傳染病中心總監何栢良噚日（1日）表示，政府對佢哋嘅語文能力要有要求，部分海外醫生唔識廣東話，未必可以帶來幫助不大，需要為佢哋安排廣東話課程。佢又指，估計符合條件而又願意來港，可能每年只是低雙位數字，作用甚微。

何栢良直言修訂條例唔係咩「靈丹妙藥」，因為部分海外醫生不懂說廣東話或普通話，未能滿足本地醫療需求。佢舉例話，即使本港醫生移民到外國，當地亦要求有一定嘅語文水平，或要求學習與當地民眾溝通嘅語言。「如果當局淨係集中將唔識廣東話嘅醫生做一啲唔需要見病人嘅工種，呢個唔係解決問題應有嘅態度。」

何栢良認為，選擇來港培訓或來港找更大滿足感，作為醫學發展的機會，誘因好細，估計願意來港嘅醫生，可能每年只佔小數，相信幫助是微乎其微，形容較大機會變成「雷聲大雨點小」。

#何栢良 #海外醫生 #本地醫生 #廣東話 #普通話 #移民 #醫學生 #語文要求 #香港政府 #香港醫療 #香港醫生 #港語學