浸大海外校友聯署反對浸大強制國安教育 警告將「損害校譽、師生及校友名聲」

近日浸大將國安教育列為全日制新生嘅必修課程,學生須通過國安測驗取得合格,方能達到畢業要求,引來國際傳媒報導。浸大海外校友噚日(3號)就發起聯署表示極度關注擔心課程將會損害香港浸會大學校譽、師生及校友名聲、破壞大學與其他民主國家大學合作交流嘅機會、及進一步威脅校園嘅學術自由。

校友喺聯署中直斥將國安教育列為學生畢業要求係「不公義」,俾人機會利用國安教育作為行政手段,向不支持香港特區政府嘅浸大學生施壓,亦擔心或會有更多學生因政治觀點而無法通過國安教育課程。佢哋又指一啲民主國家嘅大學將會因為學生嘅人身安全問題,與浸大終止跨院校嘅合作協議。

校友話,佢哋會盡力捍衛浸會大學師生所擁護嘅自由民主價值。佢哋又擔憂強制國安教育課程只會損害浸大的學習環境,並可能於校園內外引發動盪。因此,我們要求浸大校方無限期擱置有關強制國安教育課程嘅措施。

#浸大校友 #浸大 #浸會大學 #浸大山神 #國安教育 #國安法 #校譽 #交流生 #國際化 #海外港人

聯署連結:https://docs.google.com/forms/d/e/1FAIpQLSfu9rAwjWRcGq-8nQf4f1zFTmYXvwQXgY_-pnk292vyajxmvw/viewform