網傳宿舍告示禁止沖涼時打飛機 浸大:「只係惡作劇 唔好周圍傳」(多圖)

今日喺香港社交媒體廣傳一張疑似由浸大向住宿學生發出嘅通告,指男廁去水管入邊,被精液塞滿而需要維修,建議學生唔好喺廁所自慰(俗稱「打飛機」),否則會拎啲精液驗DNA以作追究。浸大宿舍組喺夜晚通告同學,指呢張通告只係一個來歷不明嘅惡作劇,希望宿生唔好再傳幅圖出街。

呢封《自慰告示(Mastrubation Notice)》以Hall Life Education Team 為署名,指「男廁自慰產生嘅精液喺去水管結成硬塊,令到舍方要嘥幾百文維修,所以舍方建議同學唔會喺浴室打飛機;有見及此,舍方已經將禁止自慰加喺校規,並且會將精液做基因測試,發現精液主人後暫停3日住宿以作懲罰。」

但事實上,浸大宿舍係兩間房共用一個廁所,而非分為男廁、女廁。舍方亦都係當晚出通告,指「見到有幅不明來歷嘅『自慰告示』廣泛流傳,但該電郵並非屬實。希望各位唔好再散播假告示。」

舍方即晚出通告澄清該告示係惡作劇(電郵相片由宿生提供)

浸大嘅自慰問題唔係第一次被廣泛討論。2013年,有學生喺校內民主牆貼上「給我一個不能在宿舍做愛的理由」大字報,引來對宿舍學生性愛權利嘅問題。及後有女學生喺浸大宿舍門外廣場進行行為藝術,瞓喺地上模擬自慰動作、飲紅酒、並邀請同學寫低唔可以喺宿舍做愛嘅理由,最終驚動保安報警,救護車同警察到場中止有關行動。

呢個「自慰告示」惡作劇並非浸大獨有。喺外國其他大學宿舍,都經常出現類似惡作劇。

#浸大山神 #浸大 #自慰 #大學生 #惡作劇 #性愛 #大學宿舍 #浸大宿舍 #香港浸會大學 #HKBU #打飛機 #港語學