林鄭月娥: 「係時候重組政府 共識係要有文化專門嘅政策局」

行政長官林鄭月娥表示,而家係時候構思重組政府,以便推行大量工作,今年嘅施政報告不能迴避呢個問題。目前嘅共識係政府應設立專屬政策局推動文化工作,並加強在土地房屋方面嘅內部協調。

新一份施政報告會喺10月6日發表,林鄭月娥今日(12號)出席公眾諮詢會,回應有關政府改組問題嘅時候話,政府須為香港開創前景、增加土地、興建房屋,以現時架構處理如此繁重嘅工作未必理想。

佢話:「今屆政府沿用上屆政府嘅架構,喺當時嘅政治環境下,冇可能喺短時間內改組,搵到適當人選去做局長。而家社會已經恢復平定,選舉制度經已完善,立法會更加願意配合行政機關嘅工作,因此係時候思考如何大刀闊斧地重組政府。

上任特首梁振英2012年諗住將新增同重組十四個決策局,當中就包括「文化局」專責香港嘅文化政策,但業界擔憂變相監管,香港立法會不予撥款後已經擱置。2017年林鄭月娥上任時,曾經表示會重新成立文化局。不過,梁振英喺今年5月重提舊議,促請政府成立文化局,林鄭當時不予回應話:「近年流行唔少KOL,好難去逐個評論。」

#文化局 #香港文化 #香港藝術 #藝術自由 #文化自由 #梁振英 #林鄭月娥 #香港政府 #重組政府 #廣東話 #港語學

0 0 votes
Article Rating