台灣僑務委員會委員長童振源訪美行程接近尾聲，佢喺前幾日為新設立嘅華文學習中心揭幕嗰時話，透露未來4年會成立100所台灣華語文學習中心，「讓正體字華語教學在美國主流社會生根發展。」

童振源喺周日（9/12）專程去到紐澤西州替梅山中文學校、普林斯頓中文學校新設嘅台灣華語文學習中心揭幕。佢表示，學習一門語言唔單止學習語言本身，更重要係學習佢嘅文化、生活方式、社會交流與基本價值，因此由台灣去教中文好重要：「我哋同美國享有共同價值，自由、民主、人權、開放、多元文化，呢啲係美國賴以生存發展嘅基礎。我哋結合美國嘅需求共同推動，相信會有好大力量，俾我哋嘅華語文教學能夠在這個地區推廣。」

舊年12月簽署「台美教育倡議」，僑委會今年推動台灣華語文學習中心設置計畫，同海外各地僑校合作推動針對當地成人嘅華語教育，今年在美國成立15間，在歐洲則成立3間。童振源話，出年希望追加25所，未來4年合計成立100所台灣華語文學習中心。他對美國361所僑校寄予厚望，希望僑校利用機會開拓主流社會嘅華語教學。

華倫鎮副鎮長索迪羅（Vic Sordillo）說：「我希望你哋喺呢邊長長久久，蓬勃發展，傳授我哋下一代關於呢個世界嘅事，世界有幾大、點樣同其他人溝通，去維持和平同安全。」

台灣教育部長潘忠文曾經表示，台灣喺海外推動華語文教學唔係要「取代」孔子學院。台灣駐美代表蕭美琴接受訪問時話：「台灣（學習中心）嘅學習環境有別於孔子學院，最大差別就係我哋係一個自由嘅地方，唔會有政府去影響，或者因為言論嘅問題而影響到人身自由等挑戰。」

#台灣華語文學習中心 #台灣中文 #台灣學中文 #中文教學 #正體字 #美國 #民主自由 #人權 #多元文化 #學習中文 #繁體字 #簡體字 #孔子學院 #港語學