恒隆集團中期報告建議:香港官方及商務討論應使用普通話 「粵語只應在家中及街上用」 以克服中港經濟融合嘅挑戰

恒隆地產(101) 主席陳啟宗今日(16號)喺中期報告建議,為咗香港經濟同大陸進一步融合,要克服一啲挑戰,包括共同語言同國民身分認同。佢認為,廣東話只應主要在家及街上交談用,所有官方或半官方討論,包括商務,應以普通話進行。

佢又讚揚港區國安法令到香港回復和平,但經濟遭受不可挽回嘅損害。但佢認為港區國安法及新嘅選舉制度,遏制立法會內肆無忌憚嘅行為,所以估計未來幾年土地供應會增加,土地價格同樓價都會回落。考慮到需求旺盛,他唔擔心樓價會暴跌,對樓市頗為樂觀。佢又話,香港經濟必須同大陸進一步融合,香港嘅未來必然喺大灣區,要抓緊機遇;但要克服一啲挑戰,包括共同語言同國民身分認同。

恒隆集團業務包括酒店、停車場管理、物業管理,同埋乾洗服務。陳啟宗生於香港,祖籍廣東順德,持有美國籍。恒隆旗下商場包括 Fashion Walk、雅蘭中心、荷李活商業中心、家樂坊、淘大商場、康怡廣場及山頂廣場。

早前佢喺一個中港研討會研討會上用普通話公開發言話,希望香港所有學校教學都以普通話為主,又話要「香港下一代年輕人,做夢的時候,當然要做中國夢,都是以普通話來做夢」。

 

#恒隆地產 #恒隆集團 #陳啟宗 #FashionWalk #雅蘭中心 #荷李活商業中心 #家樂坊 #淘大商場 #康怡廣場 #山頂廣場 #香港經濟 #中港融合 #國民教育 #共同語言 #普通話 #廣東話 #官方語言 #商務語言 #港語學

1 1 vote
Article Rating