增設「智慧教室」 鏡頭對準學生 浸大:有助同學更加投入課堂

浸大學生會編委會噚日(17日)報道指,有學生發現教學及行政大樓(AAB)1個課室足足裝有3個監控鏡頭,其中兩個鏡頭面向學生,擔心被侵犯私穩。學生會記者巡視後確認有關情況,向傳訊公關處查詢。浸大回應指,佢哋係即將增設「智慧教室」,此舉有助同學更加投入課室。

浸大回覆表示,為咗提升網上及混合教學模式嘅成效,加強師生互動,正喺到籌備「智慧教室」試驗計劃,會喺16個課室加設鏡頭。浸大話呢啲鏡頭係要俾視像軟件遙距上課學生睇到講師之餘,又可以實時參與課堂討論。校方又提到,呢啲裝設嘅鏡頭尚未啟用,會先舉行「智慧教室」工作坊,俾教學人員熟習新嘅教學設施,同埋喺未來兩個月諮詢師生,又會確保有關安排符合《個人資料私隱)條例》的規定。

浸大編委會指,鏡頭完成安裝後才諮詢師生,用意耐人尋味。睇返資料,中國大陸近年新興嘅「智慧教室」會安裝面向學生嘅監控鏡頭,結合人面識別去評價學生表現,未知浸大係咪採用同款系統。

#浸大 #浸大學生會 #監控 #監控鏡頭 #閉路電視 #監控學生 #智慧教室 #浸大山神 #港語學

0 0 votes
Article Rating