學生會優惠合約因夾雜簡體字 被商戶拒絕 中學生隨即變臉: 「我們有同學是源於大陸」 「唔想合作直接講囉 唔使搵藉口」

開學一個月嚟,好多中學都要舉行學生會選舉,更替新舊內閣,變相學生會內閣都四出優惠,為同學謀多啲福利去吸引投票。不過,深水埗九龍工業學校嘅學生會「infinite」就優惠搞到學界嘩然。網絡討論區流傳「infinite」向一間店舖優惠嘅對話,店主先係訝異「點解有咁多殘體字」,最終決定拒絕簽約:「對唔住,我唔識睇殘體字,份合約咁多殘體字,我睇唔明,簽唔落手。合作取消。謝。」

 

 

一般而言合作就此告一段落就算,但infinite成員忿忿不平,怒叱商戶:「唔想合作直接講就得啦,唔使咁多藉口噶(嘅)!」

之後又流出一段對話,係「infinite」成員冇搵店主道歉,反而係用全簡體字向店主朋友解釋話:「我们有些同学是来源于大陆,但我们只是读书,也没有别的,你的帖子,我也看了,是我同学说错话,能阁下撤回最好,但也不要在(再)转发了。毕竟只是说错一句 😮 谢谢。」

店主坦言,佢只係指出合同文件字體不一,「反而受你哋成員串返轉頭」,更俾學生會專頁封鎖,因此不接受私下解決。最終店主講明會向學校投訴。

據校內同學向港語學透露,學生會內閣由「精英班」尤其係大陸學生組成,因此比較睇唔起本地學生。但今次「精英班」學生竟然喺寫合約嘅中文格式上犯下諸多錯誤,損害學校形象,為此感到無奈。港語學睇過,份優惠協議書除咗簡繁錯雜,仲別字橫生,例如事(專)屬、本闆(閣),並且抬頭、下款都有問題。

#九龍工業學校 #infinite #中學學生會 #學生會 #大陸人 #錯別字 #正體字 #簡體字 #港語學