懲教署巡迴中學演出音樂劇 「更生人士」稱俾Telegram 假新聞煽動 後悔參與黑暴

懲教署自2019年起巡回演出音樂劇《人生請揀》,前日(22號)喺伊利沙伯體育館舉行大匯演,針對網絡眾多假資訊,懲教署希望透過《人生請揀》的一系列劇場活動,「教導學生辨別資訊真偽,鞏固正確嘅價值觀」。匯演當日更安排更生人士到場與學生分享,參與「黑暴事件」被捕嘅更生人士「傑仔」(化名)講佢點樣「浪子回頭」,承認過去參與社會運動嘅錯誤。大匯演嘉賓約包括財政司司長陳茂波、保安局局長鄧炳強、懲教署署長胡英明同香港中華廠商聯合會會長史立德等。

《人生請揀》講述男女學生因為社交媒體引起現實衝突,最終引發不可挽回嘅後果。大會安排約20歲嘅「傑仔」喺劇後分享,佢話「兩年前喺讀中學時,就是因為Telegram等社交媒體收到假資訊,被煽動後未曾考慮後果,從而令自己越陷越深,行為越來越激進暴力,最終被捕入獄。」

「傑仔」分享佢嘅話故事,佢同父親爆發,最終要離家出走「瞓街」。後來俾「有心人」收留,照顧他衣食住行,邀請佢去參與激進行動。因為又有恩惠又有「手足」,傑仔無法拒絕,最終「推撞水貨客和推倒他人貨物被捕。」最後父母衝上台同「傑仔」相擁而哭。

今次係首先出現喺2019反送中運動期間「推撞水貨客同推倒他人貨物而被捕」嘅故事,之前從來未有記者報道法庭及現場呢個事件嘅紀錄。

#懲教署 #音樂劇 #人生請揀 #戲劇教育 #陳茂波 #鄧炳強 #胡英明 #香港政府 #假新聞 #假資訊 #反送中