DSE 14分可成為香港醫生?網傳升學公司教大陸學生4步曲 低分照做香港醫生

香港醫科一般都會被視為最難讀嘅科目,事關冇幾科狀元5**喺手都好難入讀,要求收生成績係本港咁多大學學科之中最高嘅。但係,自從香港政府提出進一步放寬非本地醫生在港執業要求,喺大陸或者外國讀書嘅學生就可以通過實習免試成為香港醫生,令人擔心會降低香港嘅醫療質素。

據Eagle News HK報道嘅cap圖,大陸升學顧問公司博專國際HKEPIE提出「如何輕鬆成為香港醫生」四部曲,包括先為孩子拿到「港籍」,報考香港公開試DSE,透過內地大學招生計劃回到內地「一流大學」就讀醫科,最終到港實習5年,就可以執業。

雖然呢間博專國際HKEPIE嘅「微信公眾號」搵唔到呢篇文章,可能已經刪除咗,但港語學翻查《内地高校招收香港中學文憑考試學生計劃》文件,證實現時DSE學生的確可以透過計劃,只要滿足「3、3、2、2」嘅中英數通入學要求,即DSE分數達10分以上,就可以報讀溫洲醫科大學、南方醫科大學、廣西醫科大學等「一流大學」,即係文中嘅四步曲的確可能令低分嘅學生成為醫生。

#醫科生 #DSE #內地大學 #大陸學生 #3322 #內地醫生 #內地醫科生 #大陸醫生 #海外醫生 #港語學

0 0 votes
Article Rating