藏語及維吾爾語網上課程下架 聯合國教科文組織夥伴透露「要配合中國政策」

「Talkmate全球說」係由聯合國教科文組織牽頭各國專家,專為非母語學習者設計、適合全年齡段嘅多語言學習系統;不過,近日佢透露好多用家問點解搵唔到藏語同維吾爾語課程,正式喺微博解釋原因,就係要配合中國嘅「國家政策」。

佢話,「由於國家政策要求,藏語和維吾爾語課程暫時下架,恢復時間未定。抱歉給大家造成了困擾,希望大家能夠諒解。」

呢個程式標榜語言課程種類豐富,既包括普、英、法、德、日、俄、韓、泰、粵等熱門課程,亦都收錄僧迦羅語等小語種,「擁有現時世界上絕大多數語種的語言資源,涵蓋人類7000餘種語言,是聯合國教科文組織世界語言地圖的應用承載平臺。」

Talkmate除咗係聯合國教科文組織全球夥伴,仲係「騰訊雲AI戰略合作夥伴」,以及「抖音短視頻戰略合作夥伴」。

#talkmate #全球說 #聯合國教科文組織 #藏語 #維吾爾語 #國家政策 #廣東話 #港語學