中西區名校聖若瑟書院（聖JOE）喺前日（27日）舉行中一入學簡介會，校長黃婉芬透露今年競爭激烈，8至9人爭緊一個自行分配學額；但因為移民潮，部分學生去咗海外升學，去年全校有超過一百個學生退學，其中以高年級學生較多，令到插班位增加。

校方預計移民潮及升學潮仍然會持續，所以黃校長鼓勵家長中一讀唔到都唔好灰心，有心報聖JOE嘅日後都可以諗下插班，直言：「如果同學仔中一申請失敗，出面讀完中一成績幾好 ，我真係會收返佢（讀中二）。」

傳統名校出身、八本文化教育嘅老師Ken Sir透露，現時家長都好了解教育環境，最近多咗小三至小五家長查詢，希望幫小朋友補底，提升成績轉入名校：「試過有小學家長報讀我哋學堂課程，講明希望幫小朋友提升成績，轉入好學校，今年轉校入咗男拔萃小學，有望一條龍升上男拔。」

佢認為家長可以早作打算，因為傳統名校無論中小學，好多家長都送緊子女去外國讀書，小朋友如果希望留港，可以嘗試加以指導，用較好成績轉入名校。

 

 

#聖約瑟 #聖約瑟書院 #sjc #stjosephcollege #移民潮 #退學潮 #轉校潮 #插班生 #插班生甲 #中一入學 #海外升學 #香港教育 #港語學