鄰居嘈音嘈住晒點做 區議員教你有效投訴 搵邊個最幫到你!

方法由深水埗前區議員(長沙灣選區)李文浩先生提供:
「如果真係好嘈,以下唔係標準答案,純粹係以我經驗我會咁做。
有得傾嘅方法: 搵埋看更(如有)搵多兩個人,落去直接拍佢門,叫佢哋靜啲。
冇得傾嘅方法 : 錄低噪音向環保署作出投訴,重點唔係環保署處理結果,而係環保署會書面覆返你,收到你嘅舉報。跟住拎住嗰份嘢喺手,佢哋夜晚再嘈嘅時候,POPO嚟到,畀份嘢POPO睇。
POPO會知道佢哋唔係第一手處理,而且凌晨噪音係犯法,要表示出你係先煩咗其他部門,先至再搞佢哋。佢哋通常會拉你埋一邊,然後私底下惡少少同噪音屋主傾,再嘈就再報。(記得拎報案編號,一定要)
之後再同環保主溝通嘅時候,同佢哋講報警,都冇用。重覆呢兩個程序,直至到佢唔再嘈/環保署真係處理/差佬拉人。
同POPO交涉,唔可以當佢哋正常人,因為佢哋乜嘢都唔想理,淨係想交畀下一更,通常佢哋會當所有報警叫佢哋處理呢啲雜項嘅,都係麻煩人。你首先要拎環保署張嘢出嚟Fake下佢,等佢以為你真係試過好多其他方法。其次畀佢知有其他部門睇住(效用越嚟越低),咁會有效啲。」
2 1 vote
Article Rating