《港語文集》旨在鼓勵粵語創作及言論自由，因此唔理乜嘢立場，大眾小眾，我哋都歡迎投稿，盡可能喺網絡世界開辟一片自由自在嘅粵語園地。
因此我哋稿例從寬，容許一稿多投，收稿主題不限於語文教學、語言研究，亦歡迎文學創作、時事評論。
文學發展當然唔忌諱批評、砥礪，真心說話，不妨多講。但係既然大家同聲同氣，既是同舟，在獅子山下且共濟，意氣說話就無謂出口傷人喇。
尤其廣東話字詞寫法人人唔同，我哋會以作者意願為重，盡量一字不改刊登作品。咁樣都有助作品盡快登出，促進交流。所有作品文責自負。如果你發現作品有錯字、格式或其他問題，請聯絡我哋，我哋會盡快處理或聯絡作者。
每篇文章均接受網站評論。網友可以喺登入欄評論回應。
文字有價，因此我哋喺網站都設置咗小量廣告，就係希望扣除網站成本後，都可以按文章瀏覽量向作者聊表心意。收益如果夠轉帳，將會通知作者收款。文章或有機會採用於本會其他出版，屆時會另行通知。
賜稿請寄：hongkonglanglearn@gmail.com。請列明真實姓名、個人簡介、郵寄地址、電話及電郵地址，以便作業。