Header Image

《台灣電波少年流浪記》

   呢個已經係三年前嘅事,但係當時嘅事, 我仲係記憶楢新……

   話説嗰時學校挍咗嗰叫做「電波少年流浪記亅的活動,那次是去台北的。個活動要我哋去台北「流浪」,無人照願顧,只有少少錢,要你同全組人一齊搵地方玩,而這幾日我哋就靠嗰少少錢過。

   咁呢,我當時係個唔識照顧自己嘅人嚟嘅,我無咗啊爸啊媽其實係生存唔到嘅。我當時好唔想參加,但係我啊媽一知道有呢個活動之後開心到飛起,直頭想積時報名然後積刻要我出發。就係咁,我被逼踏上咗嗰次嘅流浪旅途。

   但係我而家反而多謝我啊媽,嗰次流浪真係好正,好好玩。其實三年前嘅事,我真係記得我唔係好清楚,係模糊的記憶裏,我對台灣最深刻嘅印象係:台灣真係好靚、好純樸。我最記得嘅係第二日我哋去咗嘅太魯閣。

   沿途,我哋漫遊奇山峻石及原住民風俗。嗰度好靚,我睇到嘅,永遠都係大自然裏最清新,最天然嘅山水,毫無人嘅污染,大自然最原始嘅美。嗰度有清水斷崖,天高任鳥飛,海闊由魚躍嘅景色;都有蜿蜒曲折嘅小溪清泉。我邊行邊聽着小溪叮叮咚咚嘅流水聲,就好像幽谷的古琴的聲,叫人心靜神逸、心曠神怡,所有嘅煩惱拋諸惱後。我享受着這大自然嘅禮物,走完整條步道。其實,我所踏足嘅係當時住係太魯閣嘅台灣原住民一手一腳,有血有汗,一點一點地開闢出嚟嘅。以前嘅台灣人為咗從外面更方便地把東西運入去,唔理幾辛苦、他哋都堅毅不屈地開墾出一條大路,為晚輩的舒適同條村的發展。開墾一條長十幾公里嘅道路係何等大嘅工程啊!更何況在這些峭壁上只能用人手,不能用機器,當時都不知道有幾多人為此犧牲。我真係好佩服台灣人嘅嗰種毅力同決心,好欣賞他哋嘅精神!

   台灣比我嘅感覺係一隻初生之犢,他純樸、擁有最珍貴嘅嘢–係其他繁華地方永遠都無嘅嘢,卻係最原始嘅嘢。我就係被台灣嘅純樸、簡約而深深吸引着,在我眼中,這是台灣最珍貴之處。台灣,請答應我,無論世事如何,都要好好做最真實、最原始嘅你。因為這是你最珍貴嘅嘢。

(文章為港語學第三屆廣東話徵文比賽參賽作品)