Header Image

《人間天堂》

  當日,我望著嗰個咁靚嘅海,喺心裹面發誓:我未來一定要再返嚟!但喺依家,我望住呢幅我同我嘅朋友企喺海前面影嘅相,心入面很無奈。我知道好永遠都唔會返倒去嗰個地方,但係我永遠、永遠都唔會唔記得呢個俾咗我咁多回憶嘅地方。

 

  三年前嘅今日,我同我啱啱落船,到達咗被人稱為人間天堂嘅馬爾代夫。馬爾代夫有呢個美名,係因為佢清澈純潔嘅海水,綠得透亮、柔軟细致嘅幼沙白得无暇、美到極致的景色等等。喺我掂到地下嗰一秒,我就感覺到一種親切感,係我去過其他嘅國家都感受唔倒嘅感覺!我彷彿進入咗天堂,超現實嘅視覺伴著溫暖的海風,我嘅心徹底被藍天綠海俘虜了。

 

      當我同我嘅家人朋友喺酒店擺低左啲行李之後,我哋就喺度上邊周圍走下、揮霍時間、欣賞下周圍嘅景色。馬爾代夫不愧係人間天堂!喺海邊,我哋完全被眼前所見顏色所迷惑。綠和藍竟也有如此多的層次:海水從近處嘅淺綠,翠綠,藍綠,演變至遠方嘅湛藍,再同天空嘅水藍彼此交融,同雪白嘅浪花碰撞出無與倫比嘅完美!我嘅內心深處滲出了無限嘅感動。喺香港嘅海灘入面,你淨係會見到垃圾、垃圾同埋垃圾,而海中則漂浮着好多嘅死魚。

 

      第二日,我同我啲朋友一齊去咗海邊浮潛。我當時從來都未試過浮潛㗎,所以我嗰陣真係非常,非常,非常之激動!當我迫不及待將我嘅頭探到水底時,眼簾盡係一個色彩斑斕嘅海底畫面!馬爾代夫有呢個咗靚嘅海同埋啲千姿百態嘅小魚同埋珊瑚群;相反,喺香港嘅海灘入面,你淨係會見到垃圾、垃圾同埋垃圾,而海中則漂浮着好多嘅死魚,我哋根本就見唔倒馬爾代夫般嘅美景。魚兒們唔應該活喺玻璃缸中,牠們本應屬於自由嘅海洋;而我,原來一直生活在自設嘅牢房中,多年來錯過了如此美麗嘅風景⋯⋯

 

     第三日早上,我哋就踏上船,離開咗啦個人間天堂啦。雖然我淨係喺度留咗一兩日,但係我已經對呢個地方嘅印象加深左好多。由於地球嘅水位一直逐漸上升緊,所以好似馬爾代夫咁水位低嘅地方好快就會沈到海中。雖然我知道好永遠都唔會返倒去嗰個地方,但係我永遠、永遠都唔會唔記得呢個俾咗我咁多回憶嘅地方。

(文章為港語學第三屆廣東話徵文比賽參賽作品)