Header Image

《英國遊》

  今年暑假真係精彩充實到冇朋友呀!咁多年黎去旅行,我都係渾渾噩噩咁跟住爹哋媽咪去,不知幾想自己衝出香港、甚至係衝出亞洲,好似一隻冇腳既雀仔自由奔放。等咗好耐,今次終於可以獨自衝出亞洲,去英國旅遊lu!

 

         一開始我自己都有少少擔心,始終呢次都係我第一次自己出國,都係驚驚地。但係難得有一次半次有得自己出國喎,邊度可以放棄呢啲咁既機會ga?俾着係你都唔會咁蝕抵啦!傻架咩!

 

  好啦,講返去到英國既情況先啦,我地既學校+宿舍大到成個迷宮咁,話唔定挽捉迷藏由朝揾到晚都揾唔囇啲人!呢個英國之旅總共有足足十四日,真心話長唔長,但係話短又唔係。我仲記得我地每次出去觀光既時候個d哇哇聲源源不絕,我係隔黎聼到都笑到有腹肌!我最記得既一定係參觀倫敦國王學院。第一次去既我果時簡直可以話係好奇心大爆發呀!果度可以話係屬於「讀書人」既世外桃園,可以到此一游真係我三身有倖哦!呢度既圖書館大到七彩,裏面收藏著好多好多,多到數吾曬!我記得係學校入面,有塊石寫著徐志摩先生既《再別康橋》—— 輕輕的我走了, 正如我輕輕的來; 我輕輕的招手, 作別西天的雲彩,感覺就好似為成個學校增添色彩!

 

  參觀完國王學院之后,我地就去做punting,我一直都好期待呢個活動,因為呢個係英國既傳統既家庭消閑活動。到左目的地之后,我地就即刻三五成群敢傾計。在上左船之後,我重有機會做船夫呢!

 

 今次的英國之旅真係令我大開眼界,獲益良多,重又個機會比我自己冲出香港呢!

 

(文章為港語學第三屆廣東話徵文比賽參賽作品)