Header Image

《遊記一則》

       澳門係一個小小的城市,卻以許多名勝古蹟聞名海外。喺啱啱過去嘅暑假 我就同家人來到了呢個繁華的城市-澳門。由香港到達澳門只需要搭大約一個鐘頭的船程,非常方便。 喺呢一個鐘頭嘅船程,我哋都好期待一陣之後嘅澳門之旅。

想飽覽澳門嘅美麗風景, 就不得不提松山 燈塔了。 沿著松山山道漫步而上, 你必定會覺得山下的景物越來越細,兩邊的樹木越來越多, 好似令人有一種置身喺世外桃源嘅感覺,成身都舒暢曬。 冇幾耐,我哋已經到達咗松山燈塔嘅最高處, 澳門嘅景物就盡收眼底。南光大廈、綜藝館、警察總部….. 同時間,新口岸的海面上,觀光船、噴射船來往不絕,令我覺得澳門同香港嘅關係更加緊密。 我在想,我終於有機會一睹呢個美麗嘅風景。喺我欣賞咁唯美 風景時,亦都不忘將呢個咁靚嘅夜景影下来, 來留住呢個美好的時刻。

我哋好快去到下一個景點,就係澳門最出名嘅大三巴牌坊。大三巴牌坊係一座好大嘅建築物,好有威嚴同氣勢。 其實大三巴牌坊正式嘅名係聖保祿教堂, 曾經先後發生三次大火而燒毀。我哋喺大三巴牌坊前面影相, 大三巴牌坊好莊嚴。 我哋亦都喺附近買咗少少手信同埋小食, 係咪嗰度嗰啲好地道嘅豬肉乾同埋杏仁餅都好好食。

        我哋亦都去咗媽祖閣, 媽祖閣倚山向海, 係一座供奉海上女神的殿堂, 好多遊客都會去到呢度參觀遊覽。 媽祖閣雄偉高大嘅門樓, 同埋門前嘅嗰對石獅子, 不禁令人肅然起敬。

     澳門雖然係彈丸之地, 但係就揉合了歐洲的浪漫情懷同中國傳統文化的古典風韻。 有著東方蒙特卡洛的澳門真係一個好有魅力嘅小城, 這一次的旅行始終令人念念不忘, 這一個澳門之旅將會永遠烙印在我的心中。

 

(文章為港語學第三屆廣東話徵文比賽參賽作品)