今日晏今日晏晝，當我執書枱嘅時候，見到枱面上面有一個相架。相架入邊嘅相係上年我同屋企人係首爾既南山塔到影既合照。望到張相，令我諗翻起果次旅行嘅回憶。
上年復活節，我同屋企人去咗首爾旅行。係果次旅行既第二日，我地決定要去南山塔。果日朝早，我地好早就起咗身，準備出發。
當我地去到南山塔，就見到南山塔充滿著人群。果日係假期，所以比較多人。果度既遊客有D係度野餐，有D人係度影相，有D人係度同朋友傾計。我地想睇風景同影多D相，所以就撘升降機上塔頂。上到㙮頂，就望到好靚既風景。我地為咗避免人群，就落咗去塔附近既一個空地休息。我地係附近買咗小小野食，準備係果到野餐。果到景色優美，風景宜人，令我地好享受。之後，我地仲去咗掛咗好多愛情鎖既地方影相。影完之後，我地就返酒店休息。
係果日，我地過咗好開心同好輕鬆既一日，令我地既煩惱盡消。希望下次可以再去南山㙮旅行。
（文章為港語學第三屆廣東話徵文比賽參賽作品）