上年暑假，我同屋企人一齊去左宜蘭，好多人都話個度有好多猛鬼，但上年暑假令我覺得依個講法有啲好笑……
我最鐘意嘅景點就係星空草原。行到入去，我地就企係一條樓梯嘅最上，四周都係綠油油嘅草地。行左幾步，我就見到前面有啲同其他綠油油嘅草地吾同，吾通前面就係傳說中嘅星空草原？星空草原係用數以萬計嘅光碟打造嘅星空，當我地行到去一個清楚見到星空草原嘅位置，個一刻每個人不約而同甘講同一隻字—哇！星空草原同梵高嘅畫作風格差吾多，依個簡直係一個神作，電腦整嘅都無甘靚，但點人手逐個逐個油、逐個逐個貼都可以甘靚。加上係陽光嘅照耀下，成幾百萬嘅光碟片反射太陽光，成片草原七彩炫目，令大家都目不暇給。相信每個人望到心中都一定有一條問題：點解可以整得甘靚架？依個星空草原簡直令我依個梵高迷甘拜下風！
係星空草原隔離係一個滑草區，我同細佬就借左滑草板，諗住山長水遠嚟到梗係咩都要試下㗎啦！細佬同我怕會撞埋一齊，所以我同佢就隔遠啲。滑落去嘅時候就好似打千秋甘啲風迎面吹嚟，真係好正啊！咦？啲風呢？去哂邊啊？「滴……」我件衫開始變濕…… 啊！係落雨啊！我同細佬即刻搵個地方避一避雨，佢啲眼淚就嚟流出嚟！佢一喊依度一定變水塘架！點算呀？「哇！雨過天晴啦！」好彩係佢喊之前太陽出返嚟，如果吾係真係不堪設想啊！
不嬲我都淨係聽到宜蘭有幾猛鬼，真係未聽過宜蘭有令人賞心悅目嘅一面。講真，本來我聽到屋企人話去宜蘭，真係怯左下架！但之後上網睇先知原來宜蘭甘靚，所以大家吾好盡信宜蘭猛鬼依樣嘢啊！
（文章為港語學第三屆廣東話徵文比賽參賽作品）