喺呢一個星期日，我哋一家人同平時嘅星期日一樣有一個家庭聚會，就一致決定去大帽山到放航拍機。
我哋好早就起咗身，經過一番龍爭虎鬥，我哋終於執好啲袋，之後就出門口啦。我哋攀山涉水，好努力咁樣，終於登上左珠穆朗瑪峰，隔離再隔離嘅大帽山嘅瞭望台。我哋放低左我哋嘅隨行行理之後，就周圍行吓，視察一吓呢個環境適唔適合玩航拍機。
雖然現場環境唔係好安全，但係我哋再按奈唔着自己想玩嘅慾望，於是就喺袋入面攞左架航拍機出來，向住嗰個無盡嘅懸崖，拎起呢個叉滿電嘅遙控。
望著這架航拍機向吓上，向吓下咁樣飛來飛去，搞到我都好想玩，於是，我求啊哥比我玩。 但係佢當然冇畀我玩，於是我就諗住一手搶咗個遙控返來，但係身手敏捷嘅阿哥就避開咗。 跟住我哋就不停跳來跳去，爭來爭去，咁樣喺度爭個遙控。 係呢個時候阿哥突然失手， 控制唔到架 航拍機， 家無人駕駛機就喺天空跌咗喺欄杆出面嘅地方。 阿哥當然會責怪我，而且要我同爸爸一齊落去欄杆出面危險嘅地方執番架 航拍機。
好要面嘅我於是就跟住爸爸落去欄杆出面嘅地方， 我好驚，慢慢咁樣跟住爸爸落咗去。 落到去之後搵極都搵唔到架 航拍機， 但係經過我哋嘅地氈式搜查之後，終於畀我哋喺草叢最入，最近懸崖嘅地方執番架航拍機。 當我行到懸崖嘅邊緣嘅時候，我網咗落去，發現原來下面也偏好靚嘅景象，我即刻嗌住爸爸，同爸爸一齊享受夕陽下嘅美景。
喺呢一件小事裏面，雖然對你嚟講可能淨係執下飛機咁簡單，但係就令我明白咗一個道理，就係所有嘢都要放膽去嘗試，去做，先會有機會欣賞到一番美麗的景象。
（文章為港語學第三屆廣東話徵文比賽參賽作品）