好多熱愛廣東話嘅人，都好希望搵到唔同以廣東話入文嘅書，但往往唔知道去邊度搵。所以，港語學將會成立廣東話圖書館，廣納唔同以廣東話入文或者同廣東話文化有關嘅書。同時提供書單同資料庫，作為讀者嘅嚮導，俾大家更容易搵到廣東話好書，以推廣香港文學。

廣東話圖書館館藏涵蓋本土視野、歷史、社會環境同文化創作等範疇。現誠邀大家捐書俾港語學，協助本組織成立廣東話圖書館，並供讀者參考同研究。

有意捐贈星期一至五上午十時至下午六時，帶同圖書到深水埗青山道64號名人商業中心六樓607室，職員會協助登記；捐贈者亦可連同捐贈表格郵寄至上述地址。無限感激！希望大家不吝賜書，共為香港文學出一分力，無限感激！

另外，有意借閱本館書籍嘅朋友可填妥「廣東話圖書館借書證申請表格」，日後就可以隨時到訪我地嘅廣東話圖書館同埋借書喇！