特價

煙絲袋 新界遊覽圖 軟木煙絲袋 香港古地圖 食煙 移民禮物

$250.00

我有嘢問!

描述

《美麗新香港》歌詞有句「就當我在外地旅遊」,每次聽到,我都會諗起一個身在遠方嘅摯友。

長年俗務纏身,我連本地名勝都少遊覽,徨論外地。直到年初,呢個女仔即將要遠行,我先跟佢搭車坐船,行山逛海。喺海邊,佢會好熟手咁卷煙畀我食,對住初春白霧吞噬嘅香港,吞雲吐霧。

但之後佢就飛去咗某個遙遠嘅國度。無人再卷煙畀我食。而我笨拙嘅手指,總係卷到跌晒啲煙絲。繁重嘅工作堆滿檯頭,無論係行山定卷煙,我都再無閒情去玩。

直到最近,有朋友知道我做緊香港舊地圖嘅復刻,搵咗呢幅《新界遊覽圖》畀我。幅圖最有趣嘅係,60年代嘅香港人,好似而家咁,冇飛機搭周圍去,可以有咩娛樂呢?雖然個名有「新界」,但作為本地遊嘅地圖指南,呢幅圖都講好多郊野島嶼。佢特別將火車、輪船路線仔細紀錄,而且仲有啲得意(同怪怪地)嘅描述:

青衣鑊底灣:「鑊底灣為全港天體運動會員集會肅靜區。」

坪洲:「有海浴坊,古廟,釣魚台,工業有石灰窯,火柴,牛皮」

呢幅cult cult地又充滿舊香港情懷嘅地圖,我嘅摯友一定會好鍾意。如果有可能嘅話,我都想帶住呢幅圖,同佢試下跟住呢啲舊嘅路線遊遍香港。

可惜已經冇可能。

最近我搵到隻卷煙袋。一見到卷煙,我就好難唔諗起佢。所以我即刻試下將幅古圖雕喺個煙袋上去。睇落又真係幾fit。

睇返先發覺,最近雕刻嘅一件件作品,都好似寫畀朋友嘅一封封信。

60年代,或再近期嘅香港,其實我哋都唔會返到去。但願有日可以再同妳,帶住呢煙絲袋喺新嘅世界遊覽,就當我哋喺香港旅遊。

【新界遊覽圖】煙絲袋
尺寸:摺埋8cm x 15 cm,攤開係22.5x15cm
質料:水松木及尼龍,香港雷射雕製
價格:港幣$250(原價$280)

Pinkoi 及 港語學官網有售

#水松木 #香港古地圖 #香港地圖 #香港製造 #廣東話 #港語學 #港願樹

商品評價

目前沒有評價。

搶先評價 “煙絲袋 新界遊覽圖 軟木煙絲袋 香港古地圖 食煙 移民禮物”

發佈留言必須填寫的電子郵件地址不會公開。 必填欄位標示為 *

開始激情對話
1
如果對 煙絲袋 新界遊覽圖 軟木煙絲袋 香港古地圖 食煙 移民禮物 有任何疑問,即管DM我哋問下啦!