描述
牙籤仔間尺嘅PVC軟膠書籤版，可以當書籤使用，但無法配合燈座使用。
識得轉彎。
作品：《香港人對唔同長度嘅稱呼》（又名「牙籤仔間尺」）
事緣：最近「牙籤仔」成為城中熱話，亦都掀起討論香港人對唔同長度應該點稱呼嘅爭議。因此，本會少量咁啤咗啲《香港人對唔同長度嘅稱呼》間尺，旨在娛樂下大家，亦都保留廣東話對唔同長度稱呼嘅紀錄。
垂直透明設計，點樣稱呼，一目了然！
質料：PVC，絲網印刷，完全香港製造
定價：$20
尺寸：230mm x 38mm x 3mm
可配合燈座使用，隨光線變換不同顏色
有意訂購者請inbox本會facebook/instagram，本會會通知付款方式。訂購滿額前成功付款後會並經專人確認後，會安排喺深水埗／旺角攞貨。
如果訂購人數眾多將會喺呢個post宣布截止訂購，並且會安排稍後喺旺角店舖同天水圍麻吉格仔店發售。
收益將全數用於港語學推廣廣東話文化活動。
設計意念：Tsw@rain、陳樂行
技術支援： ODA Studio
＊＊＊常見問答＊＊＊
問：點解牙籤仔係4CM？
答：我哋留意到一般常見牙籤係6.5CM 至7CM。但由於稱之為「仔」，應該會短一啲；目測係4CM，所以就係4CM。
問：點解大碌鳩長過大碌撚？
答：「鳩」字形容陽具勃起嘅狀態，「撚」就係純粹陽具嘅廣東話稱呼，所以感覺上「鳩」長過「撚」。
問：點解唔用「正字」「㞗」、「門能」，用假借字「鳩」、「撚」？
答：一來今次作品使用電腦雕刻，難以輸出寫法比較複雜嘅「正字」。二來本會認為考慮到文具嘅文雅特性，用假借字比較合宜。
問：點解標示0係「斬斷重煉」唔係「砍掉重煉」？
答：「砍掉重煉」係華文地區比較多用嘅網絡用語，我哋就特登揀佢嘅廣東話口語變體「斬斷重煉」。
商品評價
目前沒有評價。